AMEL ETA OINATZEN IPUIN KONTAKETA Urriaren 17an, ipuin kontaketa zoragarri bat izan genuen eskolan. Amelek Hiru txerrikumeen ipuina kontatu zigun, eta Oinatzek, berriz, Petardoa izeneko ipuina. Oso gustora egon ginen beraiei entzuten.
ALBAOLARA BISITA Urriaren 5ean, osteguna, Albaola bisitatu genuen. Euskal baleontziari buruzko informazio asko jaso genuen. San Joan baleontzia ari dira bertan eraikitzen. Albaolatik atera ondoren Pasai Donibanera pasatu ginen motoran.
ZIENTZIA TAILERRA Zientzia tailerrean, garai bateko bizimodua aztertzen aritu gara. Gu saiatu ginen poxpolorik gabe sua pizten. Horretarako, lupa eta hosto lehor pare bat erabili genituen. Txispak eta kea ateratzea behintzat lortu genuen.
OSTIRALEKO IRTEERA Pasa den ostiralean, paseotxo bat eman genuen herri inguruan. Zabaletatik igo eta eskola atzeko aldapatik jetxi ginen. Bidean, loreak eta hostoak bildu genituen eta paisaia aztertu ondoren, denon artean ipuin bat asmatu genuen. Primerako arratsaldea izan zen hura!
